Am Hl. Obnd vor 39 Joahr

 

 

Am Hl. Obnd, vor 39 Joahr

Do woar a kloans Dirndle, krot nit 3 Joahr

A Gneat und a Hektik, woar Dahoam im Haus

Olle send gsprungen, ein und aus

Die Tirn sen Gflogn, bold auf und bold zua

Zu die Kinda homs gsogt, seids brav gets a Ruah

die Großmutta, dèi hot die Stubn zuagspeart,

Wos is kloane Dirndle, goar nit vasteaht

Hot sich gedocht, do drinnen, tuat wos gschechn

durchs Schlisslloch, hots lei nix, daseachn

Die Muatta hot schnell, noch in Bodn griebn

Sunst war er am End, nit sauba gebliebn

Da Großvota, hot is Gschirrle, zan Rachn gsuacht

Homb wieda die Frotznm in die Finga ghobt, hot er gfluacht

Da oanzige Vota, der hot a Schlafl gmocht

Der woar im Gosthaus, davor in da Nocht

da Bruada vom Dirndle, woar gonz vadrossn

Da Vota hot gsogt, da Jaga, hots Christkindl daschossn

Is lei mehr hintan Tisch drinn ghuckt

Und hot auf die Zachalan, umma gedruckt

Endlich auf Nocht, jeder is fertig gwessn

San olle, beim Tisch zomm gsessn

Homb gessn, lauter guate Sochn

Wurst und Kas, Kekslan selba gebochn

Wia se so sitzn, bei da Jausn

Hearnt se a Glöckle, leitn draußn

Da Bruada springt auf, nix mehr vadrossn

Gott sei Donk, da Jaga hot, danebn gschossn

Is schnell zur Stubn, umme glofn

Die Tür auf amol, gonz weit offn

Und wia s Diandle do a, so umme geaht

In da offnen, Stubn drinn steaht

Wird’s gonz starr, konn sich nit rian

Mein Gott so a Procht, so wundaschean

Hot die Händ üban Kopf, Zommen gschlogn

Na Meina Seel, hert man’s lei sogn

Es konn nit gnua kriagn, muaß lei schaugn

Gonz groaß und leuchten, tuan die Augn

Im Zimma drinn, da schiane Bam

Ruaft laut, Na meina Seel, i glab i Tram

Gold, Silba, Kerzlan, leichtn’s on

Hetz fong’s wol decht, zan hupfn on

Hot vor lauta Gaude, gonz vagèssn

Dass untan Bam send, Packlan gwèssn

Auf dèi, hot koana mehr gedenkt

Hots Diandle olln, wos schianes gschenkt

Wenn man, so weil Glück, auf oanmol gspürt

Dèi Packlan, koan mehr interessiert

Und noch wos, is domols, sicha gschechn

I glab dos Dirndle, hot wirklich, dos Christkindl gsechn

Aktuelles

Der Frühjahrs-Aufsputz beim Feuerwehr- und Mehrzweckhaus ist auch schon im Gange
Der Frühjahrs-Aufsputz beim Feuerwehr- und Mehrzweckhaus ist auch schon im Gange
Flurreinigung 2024                       Foto: Sektion Familie
Flurreinigung 2024 Foto: Sektion Familie
LINK: Adjustieren zur Ausrückung
LINK: Adjustieren zur Ausrückung

Immer wieder interessant:

Ein kleiner Tipp für Radiofreunde:   radio.garden 

Über 5000 Radiosender kann man dann weltweit ansteuern und hören!!!

Informationen zur Datenschutzgrundverordnung
Informationen zur Datenschutzgrundverordnung